O proxecto

Dende o meu punto de vista como educadora social vinculada ás artes escénicas, valoro moi positivamente este obradoiro de creación pola súa utilidade a nivel de crecemento colectivo. Nas localizacions onde puidemos traballar de xeito grupal resultou evidente a escoita, a empatía e os vínculos que se trazaron entre as mulleres.

As condicións actuáis máis a participación voluntaria das asistentes fixeron que a presencia das mesmas non fose estrictamente constante. Isto deu lugar a momentos máis festivos, de desfrute ou de xogo, e outros máis intimistas e reflexivos.
Considero moi valiosa a xenerosidade destas mulleres, que nos recibiron sempre cun sorriso e nos abriron pequenas ventás ás súas vidas, moitas veces dende a comicidade, aínda que estivésemos falando de cousas serias. Isto da una idea da fortaleza e o poder de superación das implicadas.

A nivel persoal, a sensación é de enriquecemento e dun profundo agradecemento por ter a oportunidade de achegarme a unha realidade que podemos sentir ás veces como allea pero que é, en realidade, a base do noso presente.
Se cadra, non nos miramos do mesmo xeito tras estes encontros. Nin entre nós, nin a nós mesmas.